"Даара иаҳцәыцәгьоуп аҩны атәара, избанзар ҳашьцылахьеит аусура, есыҽны ҳанеибабоз. Ԥыҭрак аамҭа анца игәхьааҳго ҳалагеит. Иҳаӡбеит Аԥсныҟа иаахьаз актиорцәа ҳрыҿцәажәарц, иаҳа иааигәаны ҳрабадырырц. Аефир иабзоураны ҳахәаԥшцәагьы иаҳа иааигәаны ҳардырырц. Еиҳарак аибадырра ауп иззырхоу апроект, аха уи ашьҭахь агәыбылра, аԥхарра ҳабжьанаҵоит. Раԥхьатәи сысас Кристина Бабушкина лоуп, лара еиыцрыдыруа актрисоуп. Зықьҩык ауаа ахәаԥшуан аефир. Ирацәаҩны ауаа сара исзырҩит, ларгьы илзырҩит, аефир шыргәаԥхәаз атәы рҳәеит. Ҳаиҿцәажәара алаф аҵан, ҳахәмаруан, ҳаччон. Уи ауп ауаа изыргәаԥхазгьы ҳәа сгәы иаанагоит. Сара хәыҷык сшәон, лара дактриса дууп, аха ҟазшьала дласуп, хыхьынтә ҵаҟа духәаԥшӡом, исгәаԥхеит лыҿцәажәара. Сгәы иаанагоит, ари апроект ахәаԥшцәа анаҩсгьы аинтерес рзаҵалап ҳәа, макьана дара аефирқәа ирыхәаԥшуа раамҭа рхыргар ҟалоит, уи анаҩс ҳаибабараан еиҳагьы аимадара ҳабжьанаҵоит", - ҳәа азгәалҭеит Ламиаԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Милана Ломиаԥҳа: зегьы ирзеиӷьасшьоит атеатр агәыбылра
РУСДРАМ атруппа артистцәа ҿыцқәа рыла ихаҭәааит
Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>>