Иԥшьоу Мшаԥныҳәа: Аҟәатәи акафедралтә уахәамаҟны анцәамаҵзура мҩаԥысит

Аҟәатәи акафедралтә уахәамаҿы аныҳәатә анцәамаҵзура иалагеит асааҭ 23:00 рзы, ишаԥу еиԥш Мшаԥныҳәа аухазы.

Сынтәа аныҳәатә усмҩаԥгатәқәа аԥсахрақәа рылагалатәхеит акоронавирус алаҵәара ашәарҭара ахьыҟоу азы. Аԥсны аиҳабыра анцәахаҵаҩцәа ирабжьаргеит ауаа рацәа ахьеизо имнеиларц, анцәа имҵаныҳәарҭақәа убрахь иналаҵаны.

Аха анцәахаҵаҩцәа аӡәырҩы Мшаԥныҳәазы иаартыз атәыла ауахәамақәа рахь инеит. Уахь инеиз ауаа рхыԥхьаӡара уаанӡа аасҭа имаҷын. Аӡәырҩы рыҩнқәа рҿы иаангыланы Анцәа имҵаныҳәара еиҳа еиӷьаршьеит.

Иаса Қьырса ибзахара иазку Иԥшьоу Мшаԥныҳәа иатәу анцәамаҵзура мҩаԥысит Аԥсны аус зуа аиашахаҵаратә уахәамақәа зегьы рҟны.

1 / 8

Мшаԥныҳәазтәи анцәамаҵзура мҩаԥысит Аԥсны ауахәамақәа рҟны

2 / 8

Аҟәатәи акафедралтә уахәамаҿы Мшаԥныҳәазтәи анцәамаҵзура мҩаԥысит асабшеи амҽышеи реихаламҭазы

3 / 8

Мшаԥныҳәазтәи анцәамаҵзура иалагеит асааҭ 23:00 рзы

4 / 8

Аҟәатәи акафедралтә уахәамахь анцәамаҵзура иалахәхаразы иааит 60-ҩык инарзынаԥшуа Анцәа дхазҵо ауаа.

5 / 8

Сынтәа ауахәамахь иааз рхыԥхьаӡара маҷхеит акоронавирус алаҵәоит ҳәа иҟоу ашәарҭара иахҟьаны.

6 / 8

Уаанӡа Аԥсны аиҳабыра ауааԥсыра ргәырҽанырҵахьан акарантин аналагалоу аамҭазы адоуҳатә ҭыԥқәа, Анцәа имҵаныҳәарҭақәа рахь анеира рҽацәхьаркырц азы.

7 / 8

Аха Аԥснытәи Аиашахаҵаратә уахәама Ауахәаматә хеилак ахантәаҩы аиереи Виссарион (Аԥлиа) анцәахаҵаҩцәа рахь ааԥхьара ҟаиҵеит ауахәамахь иныҟәаларц, рхы-рыԥсы дрыцқьаларц, убри алагьы рхы ҿырхларц.

8 / 8

Мшаԥныҳәазтәи анцәамаҵзурақәа мҩаԥысит Аԥсны аус зуа аиашахаҵаратә уахәамақәа зегьы рҟны.