"Аҳәынҭқарра ахада ҳара ҳҩыза ауаҩы иоуп. Аҳәынҭқарра еиҿызкаауа иқәынхо ажәлар роуп. Иара аԥара иманы дааӡом, уи президентс дҟалеит ҳәа сакьла аԥара аӡәгьы иимҭаӡеит. Ас еиԥш иҟамлацызт, аҳәынҭқарра ахада даналырх аамҭазы аекономика гылоуп, аӡәгьы аус иуӡом, абиуџьетгьы ҭацәуп. Даара аус хьанҭа дақәшәеит, апрезидент далхуп шьҭа ҳусқәа зегьы ӡбоуп ҳҳәар ҳхы ҳжьеит. Доусы дызҿу аус аҿы илшо ҟаиҵароуп. Аҳәынҭқар илшо убри ауп, ашәарҭадара аиҿкаара, ауаа рыхьчара, аҳәаақәа рырӷәӷәара. Аԥсны ааглыхра знапу алаку ринтересқәа хьчатәуп, убасҟан аекономикагьы ашьапы иқәгылоит, ажәлар рҭагылазаашьагьы еиӷьхоит. Урыстәыла ацхыраара ҳанаҭоит, аԥара ҭалоит, аха иара ҭыҵны еиҭахгьы Урыстәылаҟа ицоит избанзар, иааҳго зегьы уахьынтә иааҳгоит. Аԥара Аԥсны аҩнуҵҟа агьежьра иалагар, Аԥсны аҩнуҵҟа ажәлар аус рур, убасҟан ауп зегьы ианаҳныԥшуа", - ҳәа азгәеиҭеит Кәарҷиа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Аԥсны ахәбатәи ахада: Аслан Бжьаниа иҭоубашьҭаҵара
Сааҭбжак аҩнуҵҟа: атәыла ахада ҿыц иҭоубашьҭаҵара шымҩаԥысыз