АҞӘА, мшаԥы 29 – Sputnik. Sputnik аинтервиу азҭаз Аԥсны аҭагылазаашьа ҷыдақәа рминистр ихаҭыԥуаҩ Саҭбеи Гындиа иҳәеит аушьҭырҭатә ҭыԥ "Ԥсоу" иаԥну аџьармыкьаҿы амцакра ҟалеит ҳәа.
"Амцакра иахҟьаны афатәҭирҭа алариокқәа ааба блит. Амца арцәара ҩ-сааҭки бжаки иадхалеит", - ҳәа азгәеиҭеит иара.
Абылра шыҟалаз азы амцарцәаҩцәа рахь адырра ҟарҵеит аҵх агәазы. Макьаназы абылра мзызны иамоу шьақәыргылам.
Амца дырцәон амцарцәаҩцәа гагратәи рыхәҭа агәыԥқәа ҩба.
Иара убас шәаԥхьар ҟалоит:
- Аҟәа Алашарбага аҳаблаҿы аӡиа акәша-мыкәша аҳаскьын ҩа амца акит