АҞӘА, лаҵара 6 - Sputnik. Аԥсны Аҩнуҵҟатәи аусқәа рминистрра аамҭалатәи ауаҩы иԥхьакырҭаҿы имҩаԥгаз агәаҭарақәа раан уа иҭакыз ирымхын аԥхьакырҭаҿы амазааразы ззин ыҟамыз амаҭәарқәа ҳәа аанацҳауеит аусбарҭа апресс-маҵзура.
Ирымхыз амаҭәарқәа ирылан: амаҭәар ҵарқәа, аҭелқәа, ахәшәқәа. Арҭ зегьы аҭакырҭаҿы рымазаара ҟалом.
Агәаҭара мҩаԥган Аԥсны аҩнуҵҟатәи аусқәа рминистр Дмитри Дбар инапынҵала. Аԥсны Аҩнуҵҟатәи аусқәа рминистрраҿы ирҳәеит аоперативтә уснагӡатәқәа ԥхьаҟагьы есымшагьы имҩаԥгалахоит ҳәа.
Иара убас шәаԥхьар ҟалоит:
Аԥсны ахада Аҩнуҵҟатәи аусқәа рминистрра аколлектив анапхгаҩ ҿыц дыдирдырит
Очамчыра аԥҳәыс дишьит ҳәа агәызҩара ззыҟаз амилициа иҽриҭеит