АҞӘА, лаҵара 31 – Sputnik. Ааҩык акурсантцәа Гәдоуҭатәи араионтә хәышәтәырҭа хадаҟынтә илҩаан акоронавирустә чымазара аҟынтә рыхәышәтәра аамышьҭахь. Абри азы адырра ҟанаҵоит Ауааԥсыра акоронавирустә ҿкы рацәыхьчаразы аоперативтә штаб.
Аҟәатәи асасааирҭаҿы 14 мшы инаӡоз хымԥадатәи акарантин ахгара ашьҭахь рыҩныҟақәа иушьҭын ҩыџьа акурсантцәеи амедицинатә усзуҩи.
Иахьазы Гәдоуҭатәи ахәышәтәырҭаҿы ишьҭоуп COVID-19 змоу хҩык ачымазцәа.
Апандемиа ҟалеижьҭеи Аԥсны акоронавирус рыдбалан 28-ҩык ауааԥсыра. Урҭ рахьтә 23-ҩык бзиахахьеит, аӡәы лыԥсҭазаара далҵит.
Акоронавирус иадҳәалоу ажәабжьқәа зегьы шәрыҳьар ҟалоит абра>>