АҞӘА, рашәара 3 - Sputnik. 600-ҩык рҟынӡа ауааԥсыра рыԥсы ршьоит Шәача рашәара 1 азы иаадыртыз аԥсшьарҭаҩнқәа 20 рҟны ҳәа аанацҳауеит РИА Новости.
Рашәарамзазаы русура хацдыркраны иҟоуп Роспотребнадзор абжьагарақәа рықәныҟәара иақәшаҳаҭу 79 курорттә усбарҭа.
Асанаториақәа русуҩцәа зегьы акоронавирус азы атестқәа арҭароуп, аҵакыра дырзҩыдалароуп. Аекспертцәа рыԥхьаӡарала, арҭ ауснагӡатәқәа миллион-миллион мааҭ итәоит.
Иазгәаҭоуп аҭыԥқәа рхаҭәаара 50 процент еиҳамзар шакәу.
"Рашәара 1 азы Шәачаҟа иааит заанҵатәи аҿаҵара акциала апутиовкақәа аазхәаз рыбжаҩык аха алагашьа бзиоуп", - ҳәа РИА Новости иазеиҭеиҳәеит атуроператор Сергеи Ромашкин.
Асанатор-курорттә комплекс анагӡаратә директор Евгени Дворианинов иажәақәа рыла, раԥхьатәи асасцәа Шәача ахада ихаҭа дырԥылеит. Аԥсшьаҩцәа зегь гәаҭоуп COVID-19 шрымам ашәҟәқәа рыцзаарала.
Аҳаиртә баӷәаза ма авокзал аҟынтәи атрансфер ала еиқәдыршәоит асанаториақәа.
Уаанӡа ишазгәаҭаз еиԥш ԥсшьара иаауа ирымазароуп: апутиовкақәа, акоронавирус шрымам азы аршаҳаҭга (аҿҳәара — 48 сааҭ) авирус змоу ушрымныруаз (аҿҳәара – 14 мшы). COVID-19 змоу ишрымныруаз азы аршаҳаҭга рымазароуп адуцәа реиԥш ахәыҷқәагьы. Асеиԥш аршаҳаҭга змам аобсерватор ахь инаргоит.
Амшын ахь анеира макьаназ иԥкуп. Аплиажқәа аадыртыр алшоит рашәара 6 рзы. Асоциалтә дистанциа иқәныҟәо атуристцәа азин рымоуп аӡҭарчқәа рҿаԥхьа амра аҽарбылра. Ақәиарҭақәа игыло ишьҭахь арзҩыдара рзыруеит.
Асабардақәа адәахьы иныҟәрымгар ҟалоит, аплиажқәа аадыртыргьы ус, иаҭаххо адистанциа аныҟәгароуп.
Аресторанқәа рҿы астолқәа ҩба-ҩба метра рыбжьоуп, аӡәы ихала дахатәазароуп, ҭаацәарак иатәу аламҵакәа.
Аекскурсиақәагьы макьаназ имҩаԥыргом.
Ҟәбан аусура алагара иазыхиоуп 200 санаториа, Ҟрым – 40.
Аԥсны аԥкырақәа аус руеит рашәара 15 рҟынӡа. Аҳәаа атуристцәа рзы иаркуп, заанаҵтәи аҭыԥҿаҵарақәа аанкылоуп.
Иара убас шәаԥхьар ҟалоит:
- Мишустин аҳәара ҟаиҵеит урыстәылаа аҳәаанырцәҟа ԥсшьара имцарц