Мишустин аҳәара ҟаиҵеит урыстәылаа аҳәаанырцәҟа ԥсшьара имцарц

© Sputnik / Стрингер / Амедиаҵәахырҭахь аиасраВозвращение российских туристов из Турции в Москву
Возвращение российских туристов из Турции в Москву - Sputnik Аҧсны
Анапаҵаҩра
Лаҵара 25 азтәи адыррақәа рыла, адунеиаҿ 5 миллионҩык инарзынаԥшуа авирус рымоуп, 2 миллионҩык ргәабзиара шьақәгылеит, рыԥсҭазаара иалҵит 345 нызқьҩык.

АҞӘА, лаҵара 26 - Sputnik. Урыстәыла аиҳабыра рхада Михаил Мишустин урыстәылаа рахь аҳәара ҟаиҵеит аҳәаанырцәҟа атуристтә ныҟәарақәа рыҽрыцәхьаркларц, избанзар адунеи аҿы аепидемиологиатә ҭагылазаашьа еиуеиԥшым ҳәа аанацҳауеит РИА Новости.

"Адунеи атәылақәа рҿы аепидемиологиатә ҭагылазаашьа еиуеиԥшым. Аӡәгьы акоронавирус шьҭикаауам ҳәа ҳазҳәом. Урыстәылаа рахь аҳәара ҟаиҵеит аҳәаанырцәҟа атуристтә ныҟәарақәа рыҽрыцәхьаркларц", - иҳәеит Мишустин акоронавирус аҿагыларазы акоординациатә хеилак апрезидиум реилатәараан.

Мишустин иазгәеиҭеит еиҳа ишшәарҭам иагьшеиӷьу атәыла аҩныҵҟа аԥсшьарамшқәа рыхгара, рашәара 1 инаркны асанаториақәа жәпакы аусура ишалаго.

Отдых на море  - Sputnik Аҧсны
Аԥсны атуризм азы аминистрра заанаҵтәи аҿаҵарақәа еилагароуп ҳәа ахнаҳәааит

"Аепидемиатә ҭагылазаашьа аҭышәынтәалараан акурортқәа раартра ҳалацәажәар ҟалоит", - иҳәеит Мишустин.

Уаанӡа аԥыза-министр ихаҭыԥуаҩ Дмитри Чернышенко иҳәахьан атуристтә ныҟәарақәа рзин аҟаҵаразы макьаназ аҵаҵӷәы шыҟам.

Иахьазы Урыстәыла 353 427 акоронавирустә хҭыс аҭыԥ рымоуп 85 регион рҿы.

Апандемиа аамҭала Аԥсны 28-ҩык авирус рыдбалоуп, 14-ҩык ргәабзиара шьақәгылахьеит, аӡәы дыԥсит. Ареспубликаҿы рашәара 1 аҟынӡа аекскурсиатәии атуристтәии усура аанкылоуп.

Иара убасгьы рашәара 1 аҟынӡа аурыс-аԥсуа ҳәаа аҳәаанырцәуааи атәылауаҩра змам ахаҿқәеи рахысра азин ыҟам.

Иара убас шәаԥхьар ҟалоит:

Ажәабжьқәа зегьы
0