"Иҳалшо зегь ҟаҳҵоит атуристтә сектор иҵегьы аиҿкааразы, хымԥада, ари аус оптимизмла ҳазнеиуеит. Аҟәара арыцқьара аума, атуристтә ҭыԥқәа реиҿкаара мҩаԥысуеит Гагра, аԥсшьарҭа ҭыԥқәа, асасааирҭақәа рҽазыҟарҵеит, даара иазыԥшын асезон аартра, аха ишаҳбо еиԥш макьана асезон аартра алацәажәара маҷк иуадаҩуп. Аҳәаа аркызароуп ҳәа иахьа Александр Анқәаб иҟаиҵаз алаҳәара маҷк ҳгәы канажьит. Ус шакәугьы, асасцәа рыдкылара еснагь ҳазхиоуп, агәыӷра ҳамоуп зегь еиқәтәап ҳәа", - иҳәеит Бганба.
Аԥсни Урыстәылеи рҳәаа макьана иаркызароуп иҳәеит аԥыза-министр Александр Анқәаб рашәара 11 рзы имҩаԥысыз Акоординациатә штаб аилатәараҿы. Иара иазгәеиҭеит аҳәаа аартхар Аԥсныҟа иаауа рхыԥхьаӡара шырацәахо, уи атәыла аепидемиологиатә ҭагылазаашьа ишаныруа.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Александр Анқәаб: Аԥсни Урыстәылеи рҳәаа макьана иаркызароуп