АҞӘА, рашәара 22 - Sputnik. Аԥсны иҟоу Урыстәыла Аладатәи арратә округ атанкныҟәцаратә ҟәша аруаа аҽазыҟаҵарақәа мҩаԥыргоит Адыгатәыла иҟоу аполигон Маиҟәаԥтәи аҿы ҳәа аанацҳауеит Урыстәыла Аладатәи арратә округ апресс-маҵзура.
Аруаа атанкқәа Т-72Б3 рҟынтәи еиҭаҵуа ацәҟьарақәа ирықәкны ихыслоит. Бжьаратәла ацәҟьара аҟынӡа ҩ-километрак бжьоуп.
Атанкқәа рырныҟәцаҩцәа иара убасгьы еиуеиԥшым аԥынгылақәа ирхысроуп: аҭыжаарақәа, аиҩхаақәа, амина ахьыҵоу адәқәа, ацҳақәа.
Апресс-маҵзураҿы ирҳәоит адҵақәа реиҳарак рынагӡара аҵх иалыршаны имҩаԥыргароуп ҳәа.
Зынӡа ауснагӡатә иалахәуп 100-ҩык атанкистцәеи 40 ак рҟынӡа акәылӡы зқәу атехникеи.
Иара убас шәаԥхьар ҟалоит: