АҞӘА, рашәара 24-Sputnik. Иаҳхысыз уахыки-ҽнаки рыла Аԥсны акоронавирустә инфекциа амазааразы агәаҭара иахысит 45-ҩык атәылауаа, абри атәы аанацҳауеит ауааԥсыра COVID-19 рацәыхьчаразы Аоперативтә штаб.
"Иаҳхысыз уахыки-ҽнаки рыла аинфекциаз абиоматериал рымхын 45-ҩык ҳтәылауаа, COVID-19 уаҩы изышьақәыргылам", - ҳәа азгәаҭоуп адырраҭараҿы.
Аԥсны иахьатәи аамҭазы авирус рыдырбалахьеит 38-ҩык. Урҭ рҟынтәи хәҩык Гәдоуҭатәи ахәышәтәырҭа иҭоуп. 32-ҩык ргәабзиара шьақәгылахьеит, аӡәы лыԥсҭазаара далҵит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>