АҞӘА, ԥхынгәы 2 - Sputnik. Аслан Бжьаниа ԥхынгәы 2 рзы имҩаԥигоз апресс-конференциа аан ахәцҵазы ашәахтә азҵаарагьы дазааҭгылеит.
Иара адырра ҟаиҵеит ахәцҵазы ашәахтә шаԥырымхуа, аха уи алхшьа аԥҟарақәа еиҭакхоит иҳәеит ахада.
Уаанӡа аԥыза-министр Александр Анқәаб зус алоу аусбарҭақәа адҵа риҭеит ахәцҵазы ашәахтә ахьаҵанакуа ашәахтә система, уи афискалтә хаҳара, абиуџьет аиқәыршәараан ицәырнаго ауадаҩрақәа уҳәа ҭырҵаарц.