АҞӘА, ԥхынгәы 7 - Sputnik. Иаҳхысыз уахыки-ҽнаки рыла Аԥсны 22-ҩык акоронавирустә инфекциа амазааразы рхы гәарҭеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.
"Ииасыз уахыки-ҽнаки рыла акоронавирустә инфекциа агәаҭаразы абиоматериал арҭеит 22-ҩык атәылауаа. Аӡәгьы COVID-19 идбалам", - аҳәоит адырраҭараҿы.
Аԥсны иахьаҵанакуа иахьазы акоронавирус 38-ҩык ирыдбалоуп. Ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.
Акоронавирус иазку ажәабжьқәа зегьы шәрыԥхьар ҟалоит абра>>