"Аиндаҭлара аҩбатәии ахԥатәии аетапқәа мҩаԥысуеит нанҳәамзазы, мамзар цәыббрамзазы ААУ аҿы. Иҳәатәуп, Аԥсны ишыҟоу абаҩхатәра ду злоу аҿар, уи аанарԥшит аицлабрагьы. Арзаҳалқәа аларҵеит 150-ҩык инарзынаԥшуа аҿар, еиуеиԥшым азанааҭқәа рыла аҵара змоу, аекономика инракны аспорт аҟынӡа. Аконкурстә комиссиа иалоуп 12-ҩык, дара онлаин аицлабра алахәылацәа алрыԥшаауан. Аконкурсантцәа иаарышьҭуан авидео-ессе, иара убри алагьы иқәдыргылон ахәшьара. Аицлабра аҩбатәи аетап аҿы иҟалоит аиҿцәажәареи атестқәеи. Уи анхыркәшахалак иаанхоит 25-ҩык аконкурсантцәа, ахԥатәи ашьҭахь - 5-ҩык аиааира ргоит. Дара зегьы аҳәынҭқарратә усбраҭақәа рҿы аҭыԥ роуеит", - ҳәа еиҭалҳәеит Ҳашԥҳа.
Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит: