АҞӘА, ԥхынгәы 14 - Sputnik. Аԥсны Аминистрцәа Реилазаара аусдҵа инақәыршәаны, Аԥсны аргылареи анхара-коммуналтә нхамҩеи рзы Аԥсны Аҳәынҭнапхгара аиҳабы ихаҭыԥуаҩс дҟаҵоуп Еcфирь Маитоп. Абри атәы аанацҳауеит Аминистрцәа Реилазаара асаит.
Рашәара 19 рзы Аԥсны ахада Аслан Бжьаниа иусдҵала Аԥсны аргылареи анхамҩа-коммуналтә нхамҩеи рзы Аҳәынҭнапхгара аиҳабыс дҟаҵан – Дмитри Цымцба.
Аԥсны аргылареи анхамҩа-коммуналтә нхамҩеи рзы Аҳәынҭнапхгара ишьақәыргылоу аԥҟарала Аминистрцәа Реилазаарахь икылнагоит аргылара, архитектура, ақалақьргылара рызҵаарақәа рзы анорматив-зинтә актқәа рыпроектқәа, имҩаԥнагоит архитектура-ргыларатә хылаԥшра, аобиектқәа ахархәарахь рыҭаразы рҭагылазаашьа ахылаԥшра.
Аусбарҭа имҩаԥнагоит аргылареи, архитектуреи, ақалақьргылареи аусхкқәа рыла агәаҭара.
Иара убас шәаԥхьар ҟалоит: