АҞӘА, нанҳәа 13 - Sputnik. Арранаԥхьаратә программа "Ааԥын-2020" аҳәаақәа ирҭагӡаны Аԥсны иҟоу УААО аррамаҵзурауаа аҭоубашьҭаҵара иахысит ҳәа аанацҳауеит Арратә округ апресс-маҵзура.
"Аныҳәатә ҟазшьа аманы имҩаԥган аррамаҵзурауаа қәыԥшцәа рырратә ҭоубашьҭаҵара ацеремониа", - ҳәа аанацҳауеит апресс-маҵзура адырраҭараҿы.
Ааԥынтәи арранаԥхьара аҳәаақәа ирҭагӡаны арахь иаашьҭын 500-ҩык инарзынаԥшуа аҿар.
"Архәҭаҿы иаԥҵоуп аррамаҵзура ахысразы иманшәалоу аҭагылазаашьақәа. Асолдаҭцәа нхоит ҳаамҭа иақәшәо еиҿкаау аказармақәа рҿы. Дара еиҿкаауп аҽыкәабарҭақәеи, аҳауархьшәашәагақәеи рыла. Аказармақәа иара убасгьы еиқәыршәоуп аԥсшьарҭа уадақәа, ачаижәырҭа уадақәа, атренажиортә залқәа рыла", - ҳәа азгәаҭоуп апресс-маҵзура адырраҭараҿы.
Урыстәыла асубиектқәа 20 рырратә комиссариатқәа, Алтаитәи атәылаҿацә, Ареспубликақәа Хакасиеи Карелиеи, Иркутсктәии Иарославтәии аобластқәа назлоу рҟынтәи еидкылан Аԥсныҟа иаашьҭыз ҿыц аррахь инаԥхьоу аҿар.
Иара убас шәаԥхьар ҟалоит:
- Уахынлатәи ахысрақәа: Аԥсны амотохысцәа аҽазыҟаҵарақәа мҩаԥыргеит