АҞӘА, нанҳәа 19 – Sputnik. Аҟәа аӡрыжәтә аанкылахоит аԥшьаша, нанҳәа 20 рзы асааҭ 08:00 инаркны 17:00 рҟынӡа, абри атәы аанацҳауеит АУН "Аӡыканал".
Ӡыда иаанхоит анаҩстәи араионқәа:
- ВИЕМ,
- Санчаратәи амҩа,
- ақалақь агәаны игылоу аҩндуқәа хыхьтәи реихагылақәа рахь.
Уаанӡа АУН "Аӡыканал" Sputnik иазеиҭанаҳәахьан Аҟәа ақалақь аҿы аӡы лассы-лассы идмырцәаларц азы комплексла аӡымҩангагақәа зегьы рыԥсахроуп. Уахь иаҵанакуеит аӡыҭгагақәагьы, аӡеизгарҭақәагьы, аӡымҩангагақәагьы.