АҞӘА, цәыббра 24 – Sputnik. Аԥсны Апарламент адепутатцәа ақәҵара рыдыркылеит 2020 шықәса абҵара 1 азы имҩаԥысраны иҟаз аҭыԥантәи ахаланапхгараҭарахь алхрақәа аепидемиологиатә ҭагылазаашьа иахырҟьаны рыҿҳәара инахазарц ҳәа ааицҳауеит Sputnik акорреспондент.
Апарламентарицәа рыбжьы рҭиит ақәҵара апроект "Аԥсны Аҳәынҭқарра аҭыԥантәи ахаланапхгараҭарахь алхрақәа рыҿҳәара анахаразы" азы.
2020 шықәса абҵара 1 азы имҩаԥысраны иҟаз аҭыԥантәи ахаланапхгараҭарахь алхрақәа рыҿҳәара анахара аепидемиологиатә ҭагылазаашьа иахырҟьоуп ҳәа иҳәеит азакәан апроект рыдызгалаз адепутат Лаша Ашәба.
Ақәҵара амчра аиуеит ианрыдыркыла инаркны. Аԥсны аҭыԥантәи ахаланапхгараҭарахь алхрақәа 2020 шықәса абҵара 1 азы имҩаԥысраны иҟан.