АҞӘА, жьҭаара 14 - Sputnik. Иҳаҩсыз уахыки-ҽнаки рыла акоронавирус рылоу ирыламу агәаҭаразы атестқәа ирхыжьын 134-ҩык ауааԥсыра, урҭ рахьтә COVID-19 адиагноз рзышьақәыргылоуп 49-ҩык ҳәа аанацҳауеит ауааԥсыра акоронавирус рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 168-ҩык ауааԥсыра, урҭ рахьтә 147-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 18-ҩык, ибжьаратәуп - 25-ҩык, илҩаауп 10-ҩык апациентцәа.
Зынӡа Гәдоуҭатәи агоспиталь иҳаҩсыз уахыки-ҽнаки рыла иҭашәеит фҩык ачымазаҩцәа.
Згәы бзиахаз рхыԥхьаӡара, аҩны зҽызхәышәтәуаз убрахь иналаҵаны, 1100-ҩык ыҟоуп.
Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.
Акоронавирус иазку ажәабжьқәа зегьы шәрыԥхьар ҟалоит абра>>