АҞӘА, жьҭаара 30- Sputnik. Амшын еиқәа афлот арадиациатәи, ахимиатәи, абиологиатәи хьчара архәҭа аҟазауаа Аԥснытәи аҳәынҭқарратә университет аҵакыреи ахыбрақәеи арзҩыдара иахыргеит ҳәа аанацҳауеит Аладатәи арратә округ апресс-маҵзура.
Аруаа зынӡа 65 000 метр ԥшьыркца ирыҵаркуа ахыбрақәа, амҩақәа аҵакырақәа дырзҩыдеит ҳәа аҳәоит адырраҭараҿы.
Ауснагӡатәқәа ирылахәуп Амшын еиқәа афлот арадиациатәи, ахимиатәи, абиологиатәи хьчара архәҭа еидҵоу аҟәшааруаа 30-ҩыки 11 автомашьынеи.
Автомашьынақәа ирылахәуп зхала арзҩыдага ақәызҭәо амобилтә комплексқәа АРС-14М, ареактив рныҟәага зықәгылоу амашьынақәа ТМС-65У, ДКВ-1К, аԥхарратә машьынақәа ТМС-65У, арзҩыдага ҷыдақәа ДК-4.
Урыстәылатәи ахимиатә хьчара аҟазауаа жәымшуп Аԥсны иахьаҵанакуа арзҩыдаратә усурақәа мҩаԥыргоижьҭеи. Уажәазы 500 нызқь метр-ԥшьыркца арзҩыдара иахыжьуп.