АҞӘА, абҵара 24- Sputnik. Аҳазалхратә ҭыԥ «Адлер» аусзуҩцәа Аԥсныҟа иааргоз анаркотикқәа ркантробанда еиԥдырҟьеит ҳәа аанацҳауеит Краснодартәи аҳазалхырҭа Шәача ақалақь аҿтәи амаҵзураҟынтә.
Аҳазалхырҭатә ҭыԥ аҿы анаркотикқәа ркантробанда аҿагыларазы аҟәша аусзуҩцәа иааныркылеит автомашьына BMW-X5, Урыстәылантәи Аԥсныҟа иаауаз. Атранспорт аԥсҟы икын 1990 шықәса рзы ииз Аԥсны атәылауаҩ.
Амашьынаҿ имҩаԥгаз аԥшаарақәа раан иаарԥшын аилаҳәара, ацәаԥшшәыиаҵәа змаз амаҭәашьар злаҳәаз. Афизико-химиатә ҭҵаара мҩаԥызгоз аҟазауаа ишьақәдыргылеит ари амаҭәашьар каннабис (марихуана) шакәыз, 0,38 грамм иҟан.
Абри аганахь ала ашьаус хацыркуп.
2020 шықәса аҩныҵҟа иеиԥырҟьоуп 11 хҭыс анаркотикатә маҭәашьарқәа (бупренорфин, марихуана), аԥсихотроптә хархәагақәа (алпразолам, сибутрамин), анаболитикатә стероидқәа ралагалараз.