АҞӘА, абҵара 25 - Sputnik. Аԥсны аминистрцәа реилазаара абҵара 25 рзы аминистрцәа реилатәараҿы 2021 шықәсазтәи амзар шьақәнарӷәӷәеит.
Адокумент Аиҳабыра рсаит аҿы икьыԥхьуп.
Аныҳәамшқәеи аԥсшьарамшқәеи реиқәшәараан аԥсшьарамшқәа ииагахоит:
- Ажьырныҳәа 2 (асабша) - ажьырныҳәа 4 (ашәахьа) ахь
- Лаҵара 1 (асабша) - лаҵара 3 (ашәахьа) ахь
- Лаҵара 9 (амҽыша) – лаҵара 10 (ашәахьа) ахь
- Лаҵара 23 (амҽыша) – лаҵара 24 (ашәахьа) ахь
- Нанҳәа 28 (асабша) - нанҳәа 30 (ашәахьа) ахь.
Аныҳәамшқәеи аусутә мшқәеи ирманшәаланы ахархәаразы аҩаша, ажьырныҳәа 5 ииагоуп асабша, ажьырныҳәа 16 рахь.
Амшаԥымш амҽыша, лаҵара 2 иахьақәшәо азы аҩаша, лаҵара 4 усуратә мшымкәа ишьоуп.
2021 шықәса рзы Аԥсны 119 ԥсшьарамши 246 усуратә мши ҟалоит.