АҞӘА, ԥхынҷкәын 4 - Sputnik. Аинвистициақәа урыстәылатәи рфонд (РФПИ) ахь 1,2 миллиард доза алаҵа "Спутник V" аиуразы азыҳәа азыҟарҵахьеит 50 тәыла рҟынтәи ҳәа лҳәеит Урыстәыла ААР аофициалтә хаҭарнак Мариа Захарова ҳәа аҩуеит РИА Новости.
"Ҩбаҟа ажәа сҳәар сҭахуп аинвестициақәа Урыстәылатәи рфонди Гамалеиа ихьӡ зху Аинститути рганахь ала. Дара аус адыруылоит "Спутник V" Урыстәыла массала ауаа рзыҟаҵара, аиԥш алаҵа аҳәаанырцәтәи аплошьчадкақәа рҿы аҭыжьразы атехнологиатә еиҭарсрагьы",- лҳәеит Захарова.
ООН Ассамблеиа хада 31-тәи асессиа ҷыдаҿ иӡырган урыстәылатәи алаҵа. Иара аинтерес азаадырԥшит жәларбжьаратәи апартниорцәа.
Урыстәыла Агәабзиарахьчара аминистр Михаил Мурашко ишиҳәаз ала, аҭаҩрашьҭахьтә ԥышәарақәа мҩаԥысуеит Урыстәыла, Белоруссиа, Индиа, Венесуела, Бразилиа уҳәа атәылақәа рҿы. "Спутник V" аиммунтә ҭаки ацәеижьҿагыларатә ҭаки аанарԥшит.
Аинвистициақәа Урыстәылатәи рфонд аиҳабы Кирилл Дмитриев иҳәеит акоронавирус хызҽуа алаҵа "Спутник V" аҳәаанырцә плошьчадкақәа рахь хәажәкырамзазы инарышьҭуа 40 миллион доза рҟынӡа инаӡалоит ҳәа.
Алаҵа адоза ахәԥса жәа-долларк еиҳахом.
Иара убас шәаԥхьар ҟалоит:
- "Спутник V" 40 миллион доза рҟынӡа адунеи аҟны иҭрыжьлоит мызкы аҩныҵҟа