АҞӘА, ԥхынҷкәын 2 – Sputnik. Урыстәыла ахада Владимир Путин аԥыза-министр Татиана Голикова адҵа лиҭеит иааиуа амчыбжь азы мҽхакы ҭбаала акоронавирус хызҽуа алаҵаҟаҵара иалагарц азы.
"Издыруеит ҩ-миллионк инеиҳаны алаҵа адоза шҭрыжьхьоу, ма иҭрыжьраны иҟоуп абарҭ амшқәа рзы. Ари аҩыза алҵшәа алшара ҳнаҭуеит урыстәылауаа мҽхакы ҭбаала алаҵа рзыҟаҵара. Раԥхьа иргыланы аҳақьымцәеи, арҵаҩцәи", - иҳәеит Путин, хырхарҭарацәалатәи амедицинатә усҳәарҭа аартра иазкны имҩаԥгаз авидеоконференциаҿы.
Путин попросил начать массовую вакцинацию от коронавируса в России в конце следующей недели. Голикова осторожно предложила сначала доложить о готовности, но нет. "Давайте вы не доложите, а начнете". pic.twitter.com/ZUnyVEWCOO
— Кремлевский пул РИА (@Kremlinpool_RIA) December 2, 2020
Урыстәыла агәабзиарахьчара аминистр Михаил Мурашко иажәақәа рыла, 2021 шықәсазы алаҵа ҟазҵаз миллионҩыла рхыԥхьаӡара еизҳауеит ҳәа. Урыстәыла ахада ипресс-маӡаныҟәгаҩ Дмитри Песков иҳәахьан алаҵа хатәгәаԥхаралоуп ишыҟарҵо ҳәа.
Нанҳәамзазы Урыстәыла ашәҟәы иҭаргалеит акоронавирустә ҿкы чымазара ҿыц (COVID-19) апрофилактиказы адунеи аҿы ираԥхьаӡатәиу алаҵа. Алаҵа аԥырҵеит Гамалеи ихьӡ зху аепидемиологиеи амикробиологиеи рыҭҵаарадырратә центр аҟны. Алаҵа хьӡыс иарҭеит "Спутник V".
