АҞӘА, ԥхынҷкәын 4 – Sputnik. Ареспубликатә ҩыратә еицлабра, Аԥсни Урыстәылеи рҭоурых адырразы "Что я знаю о стране, в которой живу и учусь…" мҩаԥнагараны иҟоуп Аԥсны иҟоу Россотрудничество ахаҭарнакра. Абри атәы Sputnik иазеиҭеиҳәеит ахаҭарнакра анапхгаҩы Вадим Чеха.
"Аицлабра шыҟало азы адырра рыҭоуп ареспублика аҵара анапхгараҭарақәа, араионқәа рҿы ҳпартниорцәа арҵаҩцәеи аҵаҩцәеи алахәхара рылшарц азы", - иҳәеит иара.
Аицлабра азҵаарақәа ирыҵаркуеит аԥсуа ҳәынҭқарра ажәытә напхгаҩцәа, аҭоурых культуратә баҟақәа, Аԥсни Урыстәылеи реинырра уҳәа реиԥш иҟақәоу.
Чеха иажәақәа рыла аицлабра мҩаԥысуеит 14-17 шықәса зхыҵуа рзы.
"Акарантинаамҭаз арҵаратә процесс онлаин ахь ианиагоу асеиԥш иҟоу аицлабрақәа аҵак ду рыманы иҟоуп. Ари иназыцҵоу ҵаратә программаны иҟоуп ахәыҷқәа рзы", - иҳәеит Чеха.
Аицлабра ахыркәшараз иалкаахоит аиааиҩцәа.
Иара убас шәаԥхьар ҟалоит:
- Аиҭакра дуқәа рымҩала – иарбан реформақәоу Россотрудничество иазыԥшу