АҞӘА, ԥхынҷкәын 9 - Sputnik. Ԥхынҷкәын 10, аԥшьаша Аҟәа ахәҭак ӡыда иаанхоит ҳәа аанацҳауеит АУН "Аӡыканал".
Аӡы аанкылахоит Имам Шамил имҩаҟны аӡымҩангага аремонтә ахьазыруа иахҟьаны, аусура цоит асааҭ 00:00 инаркны асааҭ 19:00 рҟынӡа.
Ӡыда иаанхоит Араион Ҿыц, Ажәытә ҳабла, Колос араион, Ешба имҩа, Адыгаа рымҩа, авокзал, ВИЕМ, ақалақь агәы, аџьармыкьа, Алашарбага аҳабла.
АУН "Аӡыканал" аҭамзаара шьҭанаҵоит ауадаҩрақәа рзы.