"Иҳаҩсыз амза ҩба рзы ҳаиасит онлаин аҵарахьы, даара аџьабаа ҳнарбеит. Арҵаҩцәа иззымдыруаз уи рацәан, иаҳа зықәра ыҟоу ирҭахын ашкол ахь иныҟәаларц. Аҭагылазаашьа еицаҳдыруа ауп, аԥхьа иргыланы агәабзиара ауп иҟоу. Арҵаҩцәа аҩныҟа ҳцоит, аус ҳазуам, иаҳцәыцәгьоуп рҳәеит. Аибашьра ашьҭахь шәусура камыжькәа аамҭа уадаҩқәа шәхыжәгеит, уажәы атехника азы ишԥакашәыжьуа ҳәа срацәажәеит арҵаҩцәа. Ҩымчыбжьа арҵаратә курсқәа ҳархысуан, ҳацәгьамкәа иаҳҵеит. Арҵаҩцәа онлаин имҩаԥыргартә иҟоуп аурокқәа, аха ҳҭагылазаашьа маншәалам. Уи афымцалашара арцәара, аинтернет, атехника уҳәа рыҟамзаара. Излауала ҳаибарххо абас ахәыҷқәа аҵара дырҵара ҳаҿуп", - иҳәеит Ешба.
Иара еиҭеиҳәеит напхгара зиҭо ашкол аҟны аԥсуара иазку амаҭәар шымҩаԥиго, уи алагалара ахшыҩҵак шизцәырҵыз атәы.
Шәазыӡырҩы аудио.
Иара убас шәаԥхьар ҟалоит:
Иааӡагоуп: аԥсуара аурок иаԥсыуам ашкол аҿы ишымҩаԥысуа