АҞӘА, ԥхынҷкәын 14 - Sputnik. Турбаза араион аҿы аҭыԥ змаз ахысраан Аҟәа ауаҩԥсы ахәра иоуит ҳәа аанацҳауеит Аԥсны ААР апресс-маҵзура.
Ахҭыс азы Аҟәа аҩнуҵҟатәи аусқәа русбарҭа аҷаԥшьаратә хәҭахьы адырра ҟаҵан ԥхынҷкәын 14 асааҭ 10:20 рзы.
Аусҭҵаара-оперативтә гәыԥ ишьақәнаргылеит ахәра шабџьархымҭаз. Ааха зауз ихьӡ рҳәом. Иара ианишьклахыс, ишьапы ахәра аманы ахәышәтәырҭахь днагоуп.
Аҭыԥ аҿы аус руеит акриминалистцәа, ацәгьоуҩы иԥшаара иаҿуп.