АҞӘА, ажьырныҳәа 4-Sputnik. Аԥсны иҟоу Аладатәи арратә округ аԥшыхәратә ҟәша ҩышәҩык аруаа иҷыдоу адҵақәа рынагӡаразы аҽазыҟаҵарақәа ирылагеит. Абри атәы аанацҳауеит Аладатәи арратә округ апресс-маҵзура.
Аҽазыҟаҵарақәа ирылахәын жәабала арратә техника, арахь иаҵанакуеит акәылӡытранспортиор БТР-82АМ, акәылӡымашьынақәа "Тигр", "Дозор", акәылӡы змоу автомашьынақәа Камаз "Мустанг". Азхьаԥшра ҷыда аҭан аҳаракырақәа рҟны ирзымдыруаз аҭыԥқәа рҿы аныҟәарақәа, аҽыҵәахышьа аҟазшьақәа.
Аҽазыҟаҵарақәа раан атехникатә хархәагақәа – алазертә приборқәа, арадиолокациатә станциақәа СБР-3, ҳаамҭазтәи ацифратә еимадаратә хахәага "Грот-М", аԥрыгақәа СБР-3 ахархәара рыҭан.
Арратә зыҟаҵарақәа рҿы аруаа еиуеиԥшым атехникатә хархәагақәа рзы ирымоу адыррақәа рыҩаӡара еиздырҳаит.
Иара убас шәаԥхьар ҟалоит:
- Урыстәылатәи аԥшыхәцәа "аӷа" итәарҭақәа иҽыдмырбакәа ирхыкәшеит
Аԥсны иҟоу Урыстәылатәи аԥшыхәратә архәҭақәа рыруаа аҽазыҟаҵарақәа мҩаԥыргеит