АҞӘА, ажьырныҳәа 19 – Sputnik, Бадри Есиава. Гәдоуҭа ақалақь ахәҭаки Гәдоуҭа араиони лашарада иаанхеит авольтҳарак-цәаҳәа "Калдахәара" иҟалаз авариа иахҟьаны, ҳәа Sputnik иазеиҭарҳәеит "Амшынеиқәафымцамч" гәдоуҭатәи аҟәша аколл-центр аҿы.
Иазгәаҭоуп аҟазауаа аҭыԥ ахь инеины аусурақәа ишырҿу. Авариа зыхҟьаз шьақәдыргылоит. Абригада аҭагылазаашьа аҭыԥ ианырзықәҵо атәы ҳәам.
Ажьырныҳәа 19, ашьыжь Аԥсны асоура иалагеит.