АҞӘА, жәабран 10 - Sputnik. Урыстәыла атәылахьчара аминистрра хырхарҭарацәалатәи агоспиталь Аҟәа аусура иацнаҵоит ҳәа аанацҳауеит Аԥсны Атәылахьчара аминистрра апресс-маҵзура.
Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит.
Уи аахыс ара ахәышәтәра иахысхьеит 400-ҩык ареспублика ауааԥсыра. Иахьазы агоспиталь иҭоуп 25-ҩык.
Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшоит. Иара убас ара иҟоуп алабораториа, арентген ауада, еиқәыршәоуп арԥҳақәа аҳауарҭарсгақәа, УЗИ аппаратқәа, ашьа анализҟаҵагақәа рыла. ПЦР-анализқәагьы аҭыԥан иҟарҵалоит.
Жәабран 8 азтәи адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11818-ҩык ыҟоуп, ргәы бзиахеит 10756-ҩык, рыԥсҭазаара иалҵит 184-ҩык.