АҞӘА, жәабран 21 - Sputnik. Урыстәыла Аиҳабыра Аԥсназы иаанашьҭуа аҵараҵаразы аквотақәа рҳәаақәа иҭагӡаны акандидатцәа рҭаҩра аҿҳәара иацҵоуп хәажәкыра 15 рҟынӡа ҳәа аанацҳауеит Россотрудничество.
Асаит education-in-russia.com аҟны арзаҳал алоуҵар ҟалоит 2021 шықәса хәажәкыра 14 асааҭ 23:59 рҟынӡа.
Уаанӡа Россотрудничество аиҳабы Евгени Примаков ишиҳәахьаз ала, аҳәаанырцәтә студентцәа, аԥснытәиқәагьы убрахь иналаҵаны, Урыстәыла аквотақәа рхыԥхьаӡара иацлоит. Уажәы апрограммаҿы иазԥхьагәаҭоуп 15 нызқь биуџьеттә ҭыԥ, 2023-2024 шықәсқәа рзы урҭ ҩынтә еиҳахоит.
Ҵыԥх Аԥсны иазоужьын аҵараҵаразы аквотақәа 50. Алԥшааратә кампаниа онлаинла имҩаԥысуан. Уи алахәразы рыҽҭарҩит 384 абитуриент, аха фактла 118 рхы аладырхәит.
Иара убас шәаԥхьар ҟалоит:
Аквотақәа, агрантқәа, астипендиақәа: ироуазеи аҳәаанырцәтәи астудентцәа Урыстәыла