АҞӘА, хәажәкыра 5 - Sputnik. Аԥсны иҟоу арратә базаҿ аррамаҵзура зхызго аҳәсақәа аибашьыга гранатақәа РГД-5 рыршәразы анормативқәа нарыгӡон. Абри атәы аанацҳауеит Аладатәи арратә округ апресс-маҵзура.
Аҽазыҟаҵарақәа мҩаԥысуан Гәдоуҭатәи аполигон аҿы. Ахысрақәа мҩаԥыргон "аӷа" даазырԥшуаз ацәҟьарақәа ирықәкны, 25 метра набжьаны.
Ахәшьара бзиаӡа аиуразы ацәҟьара агәҭа уақәшәар акәын, 30 секунд рыла ҩ-фигурак ҭархатәын.
Аибашьыга гранатақәа рыршәразы аҽазыҟаҵарақәа мҩаԥысуеит шықәсык ахь ҩынтә еиҵамкәа, ашәарҭадаратә ԥҟарақәа ирықәныҟәаны.
Ауснагӡатәқәа ирылахәын 50-ҩык аҳәса, еилаӡаратәи аррамаҵзурауаа.
Урҭ рыхәҭак ааигәоуп арахь аррамаҵзура ахысразы ианааи, урҭ раԥхьаӡа акәны агранатақәа дыршәуан.