АҞӘА, хәажәкыра 5 - Sputnik. Ахра Аҩӡба Аҟәа дахьынхо аҩны азинхьчаҩцәа акәшаны игылоуп ҳәа ааицҳауеит ҳкорреспондент аҭыԥ аҟынтәи.
Уаанӡа иара изааигәоу ауаҩы ишаҳзааицҳаз ала, Ахра Аҩӡба даанкылан, дагьнаган Ашәарҭадаратә маҵзура аусҩарҭахь иҿахәҿыхразы, иҩны аԥшаарақәа мҩаԥыргоит.
- Ахра Аҩӡба Аҟәа даанкылоуп ҳәа иҟоу адырра шьақәирӷәӷәеит уи изааигәоу ауаҩы
Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз арратә корреспондент Семион Пегов и-Telegram-канал аҟны.
Пегов иажәақәа рыла, Ахра Аҩӡба иԥшәма Иулиеи иареи шеицәажәоз, лҭел мчыла илымырхит. Ажурналист ишиҩуа ала, амчратә усзуҩцәа аордер ма адокумент ҳәа акгьы дыдмырбеит.