АҞӘА, хәажәкыра 5 - Sputnik. Аԥсны ахада Аслан Бжьаниа Аԥсны Аҳәынҭқарраҿ иҟоу Урыстәылатәи Афедерациа ацҳаражәҳәаҩ Алексеи Двинианин имшира идиныҳәалеит. Абри атәы аанацҳауеит ахада ипресс-маҵзура.
"Шәара шәымчхара, шәыпрофессионализм, шәус гәык-ԥсык ала азыҟазаара ҳәынҭқарратә усзуҩ дук, аԥышәа змоу дипломатк иакәны шәшыҟоу аадырԥшуеит", - аҳәоит адныҳәалараҿы.
Ахада иазгәеиҭеит Двинианин зхадараҿы дыҟоу Урыстәыла Ацҳаражәҳәарҭа аԥсуа-аурыс еизыҟазаашьақәа реиӷьтәразы алшамҭа дуқәа шамоу.
Бжьаниа адипломат изеиӷьеишьеит агәабзиара, аҭынчра, инапы злаку адипломатиатә ус аҿы ақәҿиарақәа.