Хәажәкыра 14 рзы Аԥсны Аҳәынҭқарра Аибашьратә фырхаҵара ахьӡ-аԥша амузеии Аҟәа ақалақь ахадара аҿари аспорти рызҵаарақәа рзы адепартаменти еицымҩаԥыргоит Марттәи ажәылара иазку апроект - аветеранцәеи аҿари реиԥылара.
"Аветеранцәеи аҿари реиԥылара азгәаҭоуп, егьырҭ агәалашәаратә рыцхәқәа раангьы, иара аибашьра ахьымҩаԥысуаз аҭыԥқәа рҿы. Аветеранцәа аҿар ирзеиҭарҳәоит ирыхҭысыз, иҭахаз аибашьцәа ирыдҳәалоу аҭоурых. Аҿар ирҭахуп ари ажәылара иадҳәалоу ахҭысқәа раҳарц. Хаҭала ажәылара иалахәыз ауаҩы аибашьра атәы анузеиҭеиҳәо - уи зынӡа даҽакуп. Убри аҟнытә иҟаҵәҟьаз узеиҭазҳәо апроект аҵак ду амоуп", - азгәалҭеит Кәыҵниаԥҳа.
Иаҳа инеиҵыху аиҿцәажәара шәазыӡырҩыр шәылшоит аудио аҿы.
Иара убас шәаԥхьар ҟалоит:
Афырхацәа ргәалашәаразы аконцерт Аԥсуа драматә театр аҿы имҩаԥысраны иҟоуп