АҞӘА, хәажәкыра 19 - Sputnik. Америкатәи арра-мшынтә мчқәа ркреисер Амшын еиқәа иалалеит, Урыстәыла Амшынеиқәатә флот уи иашьклаԥшуеит ҳәа аанацҳауеит РИА Новости, Урыстәылатәи Афедерациа Амилаҭтә тәылахьчара анапхгараҭаратә центр адыррақәа шьаҭас иҟаҵаны.
"Хәажәкыра 19 2021 шықәсазы Амшынеиқәа иҭалаз америкатәи арра-мшынтә мчқәа ркреисер "Монтереи" Амшынеиқәатә флот ашьклаԥшуа иалагеит", - ҳәа аҳәоит адырраҭараҿы.
НАТО аҿы аҳәамҭа ҟарҵоит арегион аҿы Урыстәыла аҽахьарӷәӷәо дара ашәара шрызцәырнаго, уи азоуп алианс Амшын еиқәаҿы аҽзарӷәӷәо, избанзар ари аҵакыраҿы ашәарҭадара ахьчара иара азы хадара зуа хырхарҭаны ишыҟоу.