АҞӘА, хәажәкыра 23 - Sputnik. Акоммерциатә банк "Аҟәа-Банки" Аекономика аминистрреи рашшратә арзаҳал ахәҭакахьала инагӡоуп ҳәа аанацҳауеит Аԥсны арбитражтә ӡбарҭа асаит. Аус иахәаԥшын хәажәкыра 19 рзы.
Арбитражтә ӡбарҭа иаартыз аӡбаратә еилатәараҿы иахәаԥшит аус №АС-51/2019 – акоммерциатә банк "Аҟәа-Банк" аҳәынҭнаплакы "Гәдоуҭатәи анефҭбаза" ахь ахарџьқәа рхарҭәааразы инанашьҭыз азыҳәа. Ахарџь ҟаҵан ауал ареструктуризациаз аиқәшаҳаҭра ахьынанамыгӡаз азы. Аекономика аминистрра акоммерциатә банк "Аҟәа-Банки" аҳәынҭнаплакы "Гәдоуҭатәи анефҭбазеи" рганахьала аҭактә зыҳәа нанашьҭит акредиттә еиқәшаҳаҭрақәеи акредиттә еилаӡаразы ауал ареструктуризациазы аиқәшаҳаҭреи иашамызт ҳәа.
"Гәдоуҭатәи анефҭбаза" ауалԥхьаӡара инақәыршәаны 2021 шықәса хәажәкыра акы азтәи "Аҟәа-Банк"аҭахра 92 142 825 мааҭ 68 капеи артәоит.
Аӡбарҭа "Аҟәа-Банк" аҭахрақәа ирықәшаҳаҭхеит хә-кредиттә еилаӡарак рыла, х-кредиттә еилаӡарак иашам, имаҷӡоу еилаӡароуп ҳәа иашьеит.
Аӡбарҭа аԥхьатә зыҳәеи аҭактә зыҳәеи рыла аӡбара аднакылеит: "Аҟәа-Банк" азы "Гәдоуҭатәи анефҭбаза" ауал 53 794 479 мааҭ ашәароуп ҳәа.
Иара уи адагьы аӡбарҭа "Гәдоуҭатәи анефҭбаза" амазаратә комплекс ашасра ааннакылеит, ашасразы 2015 шықәсатәи аҭаҩрақәа ржурнал аҿы аҭаҩратә ҩыра аԥнахит.