АҞӘА, хәажәкыра 30 – Sputnik, Асмаҭ Ҵәыџьԥҳа. Ацәыргақәҵа "Ақалақь аррхитектура. Апроектқәа. Аидеиақәа. Аԥеиԥшқәа." аатуеит ацәыргақәҵатә зал Хада аҟны мшаԥы 5 рзы ҳәа Sputnik иазеиҭалҳәеит азал Хада адиректор Ельвира Арсалиаԥҳа.
"Ацәыргақәҵахь инагахоит автортә проектқәа –ҳархитекторцәа, ҳсахьаҭыхыҩцәа, ҳдизаинерцәа, аурбанистцәа аус здыруылаз. Аматериал еиуеиԥшым ахырхарҭақәа амоуп. Иҟоуп ҭыԥк, аха еиуеиԥшым аракурсқәа рыла ибо", - лҳәоит Арсалиаԥҳа.
Адиректор иазгәалҭеит арахь инаго апроектқәа зегьы Аҟәа аҭоурых-архитектуратә обиектқәа ԥырхага рымҭакәа рреновациеи рреставрациеи рымҩаԥгара ишазырхо.
Ацәыргақәҵа мҩаԥысуеит мшаԥы 9 рҟынӡа Ацәыргақәҵатә зал хадаҿы.
Иара убас шәаԥхьар ҟалоит:
- Ҳазлацәажәаша ҳамоуп: Арсалиаԥҳа апроект "Сахьак аҭоурых" иазкны