АҞӘА, мшаԥы 3 - Sputnik. Аԥсны иҟоу Урыстәыла аладатәи арратә округ арратә база аԥшыхәратә ҟәша аруаа Аԥсны ашьхараҿи амшын иахьаԥну аҭыԥқәа рҿи "Аԥшыхәыҩ ицәаҳәа ҷыда" ала аҽазыҟаҵарақәа мҩаԥыргеит ҳәа аанацҳауеит аокруг апресс-маҵзура.
Аполигон Ҵабал аҿы еиҿкаауп аҵара-ҽазыҟаҵаратә комплекс, аруаа ишәарҭоу аҭагылазаашьақәеи иуадаҩу аҳауатә ҭагылазаашьақәеи раан разыҟаҵара аиҿкааразы.
Аԥшыхәыҩцәа рҵаратә комплекс амаршрут километрак еиҳауп, 23 ԥынгыла амоуп.
Аӡынраамҭазы азыҟаҵаратә цәаҳәа еиҳагьы ируадаҩын: аелемент-цҵақәа, алашаратәи абжьытәи ныргақәа, арԥжәареи апиротехниатә хархәагақәеи, адырраҟаҵагатә ракетақәеи, аӡытә ԥынгылақәеи рыла. Аҭагылазаашьа излалшоз ала аибашьратә ҟазшьа иазааиргәан.
Еиҳа иуадаҩу ԥынгыланы иԥхьаӡоуп аскалодром, аҳауатәии аӡытәии ԥынгылақәа, иара убасгьы 30 километра инаӡо адгьылаҵатә коммуникациақәа.
Уи адагьы аԥшыхәыҩцәа аԥышәара рҭиит напышьашәалатә аисара, ҳаамҭазтәи аԥшыхәратә комплексқәа рхархәара, аимадаратә хархәага "Стрелец" анапаҿ аагара рганахь ала.
Зынӡа ауснагӡатә иалархәын 60 ак арратә техника: акәылӡтәы транспортиорқәа БТР-82АМ, акәылӡтәы ԥшыхәратә машьынақәа "Дозор" алархәны.