АҞӘА, мшаԥы 9 – Sputnik, Асмаҭ Ҵәыџьԥҳа. Мшаԥы 14 рҟынӡа Очамчыратәи ашкол-интернат акоронавирус иахырҟьаны иадыркит, абри атәы Sputnik иазеиҭалҳәеит Аԥсны аҵара аминистрра азеиԥши апрофессионалтәи ҵара аҟәша аиҳабы инапынҵақәа назыгӡо Асҭанда Ҷолокәуаԥҳа.
Лара лажәақәа рыла асеиԥш аӡбра рыдкылан арҵаҩцәа ҩыџьеи ааӡаҩцәа хҩыки акоронавирус анрыдырбала ашьҭахь. Уи адагьы ичмазаҩхеит ахәбатәи акласс аҵаҩыки ажәбатәи акласс аҵаҩцәа ҩыџьеи.
Мшаԥы 5 рзы ачымазара иахырҟьаны акарантин адҟаҵалан Бамборатәи абжьаратә школгьы.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13645-ҩык ыҟоуп, ргәы бзиахеит 13101-ы, рыԥсҭазаара иалҵит 217-ҩык.
Иара убас шәаԥхьар ҟалоит:
- Аԥсны аҵыхәтәантәи ажәамш рыҩныҵҟа COVID-19 зыхьуа рхыԥхьаӡара иазҳаит