АҞӘА, мшаԥы 9 - Sputnik. Ареспубликатә лабораториа аныхратә материалқәеи атестқәеи мызкы-ҩымз иазхаша рыла еиқәшәоуп уахыки-ҽнаки рыла 200-ҩык рҟынӡа ауаа рыдҵаалараан, абри атәы лҳәеит Аԥсны ауааԥсыра коронавирустә инфекциа рацәыхьчаразы Акоординациатә штаб аилатәара аҿы ареспублика асанитартә ҳақьым хада Лиудмила Скорик.
Лара иазгәалҭеит авирус аҽарцәгьар афинанстә хьанҭара шеиҳахо.
Аԥсны Агәабзиарахьчара аминистр Ҭамаз Ҵахнакьиа иажәақәа рыла аҵыхәтәантәи 12-мшы ачымазара иаагәоуҭартә еиҳахеит.
Уахыки-ҽнаки рыла Аҟәеи, Аҟәа араиони рҟны 43 хҭыс аҭыԥ рыман ҳәа иҳәеит аминистр.
Ҵахнакьиа иҳәеит макьаназы ахәышәтәразы иахәҭоу зегь рыла ишеиқәшәо, аха ҵыԥх аҳәынҭқарра иазоунажьыз алимитқәа анҵәара ишаҿу.
Иара убас шәаԥхьар ҟалоит: