АҞӘА, мшаԥы 27 - Sputnik. Аԥсны АҶА апиротехника аҟәша анапы ианҵоуп аџьаԥҳаны аутилизациа азура. Абри атәы аанацҳауеит Аԥсны АҶА Facebook аҿтәи адаҟьаҿы.
Аџьаԥҳаны Кәыдры аиҩхааҿы иаадырԥшит арратә усбарҭақәа: Аԥсны АШәМ, Аԥсны иҟоу Урыстәыла Аҳәаахьчаратә усбарҭа русзуҩцәа.
Арратә арсенал асиа абасала ишьақәгылоуп:
- атанк иагәыдырҵо анапылатә гранатаршәгақәа рхысгақәа РПГ-7 - 2 цырак,
- анапылатә гранатақәа Ф-1 - 5 цырак,
- 120-мм иҟоу аҳәаанырцәтә миномиоттә минақәа - 2 цырак,
- 122-мм иҟоу артиллериатә снариадқәа - цырак,
- РГД-5 - цырак,
- ВОГ-17 - цырак,
- 23-мм иҟоу азениттә шьақәгылаз аџьаԥҳаны - 5 цырак,
- згәыцә 7,62Х54 иҟоу апатронақәа - 500 цыра.
Кәыдрытәи аиҩхаа аӡиас Кәыдры ахыҵхырҭа иаԥнуп. Аҳаракыра 1300 - 3984 метра инаӡоит. Аиҩхааҿы иҟоуп ашьха қыҭақәа Ажареи Чҳалҭеи.