АҞӘА, лаҵара 12 - Sputnik. Гәылрыԥшьтәи амилициа аусзуҩцәа дрыԥшааит иӡыз аҷкәын ҳәа аанацҳауеит Аԥсны ААР асаит.
Аинар Кацаба, 2006 шықәса рзы диит. Лаҵара 11 рзы иара Баӷмаранынтәи Агәыӡераҟа ауаажәларратә транспорт ала дрышьҭит, аха аҩныҟа дымнеиит. Аҭаацәа амилициа рахь адырра ҟарҵеит.
Аинар лаҵара 12 рзы Гәылрыԥшь, иабду иҩны аҭуан аҿы дрыԥшааит.
Иҟалаз ҭырҵаараны иҟоуп Гәылрыԥшьтәи ААРУ зықәра намӡац рзы амаҵзура аинспекторцәа.