Арадио

Хра злоу ахҭысқәа: азиндырҩы атәым автомашьына арныҟәаразы агәраргагақәа раԥыхразы

Азиндырҩы Лаша Цаава арадио Sputnik аефир аҿы еиҭеиҳәеит атәым автомашьына арныҟәаразы рыгәраргагақәа аԥыхразы азҵаара аус шадиулоз, избан ас еиԥш алагала аҭахны изиԥхьаӡо.
Sputnik

Аԥсны аҵакыраҿы ахатәхаҿқәа атәым автомашьына арныҟәаразы рыгәраргагақәа аԥырхит лаҵара 26 рзы Аминистрцәа реилазаара аилатәараҿ.

Хра злоу ахҭысқәа: азиндырҩы атәым автомашьына арныҟәаразы агәраргагақәа раԥыхразы

"Ари азҵаара сара иӡбаны саҿуижьҭеи хәбаҟа шықәса еиҵам. Даара акрааҵуеит сазхәыцуеижьҭеи, агәраргагатә шәҟәы амашьынақәа рзы заҭаху ҳәа. Ауаажәларратә кодекс ҿыц рыдыркылеижьҭеи, 2008 шықәса инаркны, уа изланыз ала, агәраргагатә шәҟәы аҭахӡам изакәызаалакгьы азакәан иамҳәозар. Ҳзакәанқәа шыҟоу ала, ауаҩы амашьына ныҟәызго имазар акәын агәраргагатә шәҟәы, аха уи анотариалтә қәшаҳаҭра аҭахӡамызт, уи ахаангьы иҟамызт. Иаҳҳәап, бӷьыцк аҿы снапала ианҵаны, абри ауаҩы агәра исыргоит смашьына аныҟәгара ҳәа ианызҭгьы, анотариус даҭахӡамызт. Аха абри здыруаз ауаа маҷын. Иахьа ҳара иҳадаҳкылаз ала убригьы аҭахӡам. Аԥсны хәыҷуп, иахьа амашьына рӷьычыргьы, уи аӡбахә аҳәара аамҭа рацәаны аҭахӡам, уи проблемаӡам. Саргьы амилициа аусзуҩцәа сразҵааит, амашьына ӷьыҷны агәраргагатә шәҟәы ицымкәа ӡәыр дааныркылахьоума ҳәа, аха ус еиԥш ахаан иҟамлацызт", - ҳәа еиҭеиҳәеит Цаава.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит: