АҞӘА, рашәара 1 – Sputnik, Бадрак Авидзба. Аиустициа аминистр Анри Барцыц акоронавирус аҟынтә алаҵа ҟаиҵеит аҟәатәи аполиклиникаҿ рашәара 1 азы.
"Еиҭакрак схы иадызбалом. Зегь бзиоуп" ҳәа иҳәеит алаҵаҟаҵара ашьҭахь аминистр.
Алаҵа "Спутник V" адунеи зегь аҿы ахы бзианы иаанарԥшит иҳәеит Анри Барцыц.
"Урыстәыла анапхгара ҭабуп ҳәа расҳәарц сҭахуп ачымазара ҿкы ҳхы ацәахьаҳчартә аҭагылазаашьа ахьҳарҭаз азы. Ирацәаҩуп издыруа, исзааигәоу алаҵа ҟазҵахьоу. Сҭаацәа Москва алаҵа ҟарҵеит. Рхы акала иахашшаауам", - иҳәеит иара.
Аԥыза-министр Александр Анқәаб лаҵара 28 азы аусутә еилацәажәара мҩаԥигеит коронавирустә инфекциаҟынтә алаҵаҟаҵара иазкны. Амедусзуҩцәа Аԥсны аԥыза-министр Александр Анқәаб изеиҭарҳәеит Аԥсны ашәҟәы ишҭагалоу акоронавирус SARS-CoV-2 "британиатәи аштамм" ахҭысқәа фба. Иара абри аилацәажәараҿы аԥыза-министр иҳәеит хымԥадатәи алаҵаҟаҵара иалагар шалшо.
иара убас шәаԥхьар ҟалоит:
- Аԥсны агәабзиарахьчара аминистрра: COVID-19 аҟынтә алаҵа 976-ҩык ирзыҟарҵахьеит
Аҳақьымцәа аилыркаа ҟарҵоит алаҵа ашьҭахь ашоурартәага ахәшә ажәра зыҟамло