АҞӘА, рашәара 10 – Sputnik. Акоманда "Динамо-2" атурнир "AFL Wold Cup Kind"s 2021" аҟны аиааира агеит. Абри атәы аанацҳауеит аҿари аспорти русқәа рзы Аԥсны Аҳәынҭқарратә еилакы.
Акоманда "Динамо-1" атурнир аҿы ахԥатәи аҭыԥ ааннакылеит.
Акоманда "Динамо-2" иреиӷьу амбахьчаҩ ҳәа далкаауп Даниил Адлеиба, иреиӷьу ахьчаҩбжа – Ренат Гәлиа, иреиӷьу ахәмарыҩ – Леон Делба, иреиӷьу ажәылаҩ – Аинар Григолиа.
Акоманда "Динамо-1" аҟны иреиӷьу ассистент ҳәа рыхьӡ ҳәоуп Антон Гусеви Сулхан Барцыци, иреиӷьу ахьчаҩ – Нестор Беселиа, иреиӷьу ажәылаҩ –Савели Семионов, иреиӷьу ахәмарыҩ – Азамаҭ Саӷариа.
Ахәмарыҩцәа разыҟаҵаҩ - Мераб Кәакәасқьериа.
Аҿари аспорти русқәа рзы Аԥсны Аҳәынҭқарратә еилакы ахантәаҩы Џьемал Гәбаз акоманда алахәылацәеи азыҟаҵаҩцәеи риааира рыдиныҳәалеит, ирзеиӷьеишьеит ԥхьаҟагьы ақәҿиарақәа.