АҞӘА, рашәара 14– Sputnik. Аԥсны Аҭагылазаашьа ҷыдақәа рзы аминистрра иаҵанакуа Зышәагаа маҷу аӷбақәа рзы аҳәынҭинспекциа аӡхәыҵалацәа Амшын аҵантә амина ҭыргеит. Абри атәы аанацҳауеит аусбарҭа аофициалтә саит.
Х-сааҭк рыҩныҵҟа аҟазауаа ари аӡыҵакыра акәша-мыкәша ҭырҵаауан, иԥжәо аҽа маҭәарқәак рыҟазаара ашьақәыргыларазы.
Амина урыстәылатәи арратә база асапиорцәа ирырҭеит нас аиҵыхразы.