АҞӘА, рашәара 28 - Sputnik. Аԥсны ААР Ашьаусԥшааратә ҟәша аусзуҩцәеи Гагратәи амилициа аусзуҩцәеи апрофилактикатә уснагӡатәқәа анымҩаԥыргоз иаанкыланы Аамҭалатәи аанкыларҭахь инаргеит ҩыџьа акриминалтә авторитетцәа ҳәа аанацҳауеит Аԥсны ААР асаит.
Иӡбахә ҳәоуп 1957 шықәса рзы ииз Гагра ақалақь аҿы инхо Ҵышәба Станислав Леонид-иԥа, иара дахьынхо ақалақь аҿы криминалтә авторитетс дыԥхьаӡоуп.
Иара убас даанкылоуп 1975 шықәсазы ииз Гагра араион Лӡаа ақыҭан инхо Хышба Ренад Иури-иԥа. Иара Пицунда ақалақь аҿы криминалтә авторитетс дыҟоуп.
Гагра араион амилициа аҟәшаҿы аусуратә еилацәажәараан рашәара 20 азы Аԥсны ахада иазгәеиҭеит азинеиҿкаара аҭышәныртәаларазы амч зоураны иҟалаша азинхьчаратә усбарҭақәа мацара шракәу. Акриминалтә авторитетцәа ҳәа изышьҭоу раамҭа ыиасыроуп ҳәа азгәеиҭеит усҟан Бжьаниа.
Иара убас шәаԥхьар ҟалоит:
"Аԥсны агәашәқәа": Аслан Бжьаниа Гагра араион даҭааны аҭагылазаашьа гәеиҭеит
Бжьаниа азинхьчаратә усбарҭақәа русура аиӷьтәра иазкыз аилацәажәара мҩаԥигеит