АҞӘА, рашәара 29 - Sputnik. Хҩык атуристцәа акоронавирус рыманы ахәышәтәырҭа иҭоуп ҳәа иҳәеит Аҟәатәи аҿкчымазаратә хәышәтәырҭа аҳақьым хада Асҭамыр Гәниа Агәабзиарахьчара аминистрра имҩаԥнагаз апресс-конференциаҿ.
Гәниа иажәақәа рыла, ахәышәтәырҭа иадҵаало атуристцәа рхыԥхьаӡара ҳаракуп.
Уажәазы Аԥсны акоронавирус азы аԥкрақәа рыӷәӷәам, атәыла алалараан ПЦР-тестқәа ма алаҵазы аршаҳаҭгақәа аҭахым.
Аԥсны COVID-19 змоу рхыԥхьаӡара 17 нызқь иахысхьеит, рыԥсҭазаара иалҵхьеит 240–ҩык.
Иара убас шәаԥхьар ҟалоит:
Агәабзиарахьчара аминистр Аԥсны заҟаҩ алаҵа рзыҟаҵоу атәы иҳәеит